GAURKOTEK
GaurkoTek irakasteko bokazioa duten gazteek osatutako akademia bat da, txiki-txikitatik teknologia modu arduratsuan irakastera bideratua. Ikaskuntza teknologikoa eta jarduera tradizionalak uztartzen ditu, eta sormena eta tresna digitalen erabilera praktikoa sustatzen ditu. 9 urte baino gehiagoko esperientzia izanik, haurren beharretara egokitutako udalekuak, ekitaldiak eta eskolaz kanpokoak antolatu dituzte. Robotika eta bideojokoen sorkuntzaz gain, 3D diseinua, bideoen edizioa eta diziplina anitzeko proiektuak irakasten dituzte.
